ზურაბ პატარაძე ბელარუსის რესპუბლიკის საგანგებო და სრულუფლებიან ელჩს შეხვდა

აჭარის მთავრობის თავმჯდომარე ზურაბ პატარაძე საქართველოში ბელარუსის რესპუბლიკის საგანგებო და სრულუფლებიან ელჩს, ნიკოლაი როგაშჩუკს შეხვდა.

გაცნობითი ხასიათის შეხვედრაზე მხარეებმა საქართველოსა და ბელარუსის რესპუბლიკას შორის არსებული ურთიერთობები და თანამშრომლობის გაღრმავების პერსპექტივები განიხილეს.

შეხვედრაზე განსაკუთრებული ყურადღება გამახვილდა ტურიზმის სფეროში არსებული თანამშრომლობის განვითარების შესაძლებლობებზე. აღინიშნა, რომ რეგიონს აქვს მნიშვნელოვანი პოტენციალი, რაც პარტნიორობის გაღრმავებას და ვიზიტორთა ნაკადის ზრდას შეუწყობს ხელს.

მხარეებმა გამოთქვეს მზადყოფნა, ხელი შეუწყონ რეგიონულ დონეზე არსებული ურთიერთობების გაღრმავებას, თანამშრომლობის ახალი მიმართულებების განვითარებასა და ორმხრივი ინიციატივების განხორციელებას.