ზურაბ პატარაძე საქართველოსა და ცენტრალური აზიის ქვეყნების საგარეო საქმეთა მინისტრების შეხვედრას დაესწრო

აჭარის მთავრობის თავმჯდომარე ზურაბ პატარაძე ბათუმში, საქართველოსა და ცენტრალური აზიის ქვეყნების საგარეო საქმეთა მინისტრების ვიზიტის ფარგლებში დაესწრო საქართველოს ვიცე-პრემიერის, საგარეო საქმეთა მინისტრის მაკა ბოჭორიშვილის მასპინძლობით გამართულ შეხვედრას, რომელშიც ყაზახეთის, ყირგიზეთის, ტაჯიკეთის, თურქმენეთისა და უზბეკეთის საგარეო საქმეთა მინისტრები მონაწილეობდნენ.

აჭარის მთავრობის თავმჯდომარემ ცენტრალური აზიის ქვეყნების საგარეო საქმეთა მინისტრებს რეგიონის მრავალმხრივი პოტენციალი, მათ შორის, ეკონომიკის და ტურიზმის სფეროს შესაძლებლობები გააცნო და თანამშრომლობის პერსპექტივები განიხილა.