ოდესის ოლქი მდებარეობს უკრაინის სამხრეთ-დასავლეთ ნაწილში. ის ქვეყნის მნიშვნელოვან კულტურულ, საგანმანათლებლო, სამრეწველო და საპორტო რეგიონს წარმოადგენს.

მოსახლეობა - 2.3 მილიონი.

ადმინისტრაციული ცენტრი - ქალაქი ოდესა.

2013 წლის 13 სექტემბერს ქალაქ ბათუმში აჭარის ავტონომიური რესპუბლიკის მთავრობასა (საქართველო) და ოდესის ოლქის სახელმწიფო ადმინისტრაციას (უკრაინა) შორის ხელი მოეწერა შეთანხმებას სავაჭრო-ეკონომიკური, სამეცნიერო-ტექნიკური და კულტურული თანამშრომლობის შესახებ.

შეთანხმების თანახმად მხარეები განავითარებენ თანამშრომლობას შემდეგ სფეროებში:

• ეკონომიკა, სამრეწველო საქმიანობა, ტრანსპორტი;
• ტურიზმი;
• სოფლის მეურნეობა;
• განათლება, კულტურა და სპორტი;
• ჯანდაცვა და სოციალური საკითხები;
• ეკოლოგია და ბუნებრივი რესურსებით სარგებლობა.

აჭარა-ოდესის ურთიერთობების ზრდაში მნიშვნელოვან როლს ასრულებს საკანონმდებლო, მუნიციპალურ და უწყებათა დონეზე ჩამოყალიბებული თანამშრომლობა.