თორნიკე რიჟვაძე არჩევნებზე სადამკვირვებლო მისიის ხელმძღვანელ ოუენ მერფის შეხვდა

თორნიკე რიჟვაძე ეუთო-ს დემოკრატიული ინსტიტუტებისა და ადამიანის უფლებების ოფისის (OSCE/ODIHR) არჩევნებზე სადამკვირვებლო მისიის ხელმძღვანელ ოუენ მერფის შეხვდა. 

 

შეხვედრაზე ხაზი გაესვა მშვიდობიანი და სტაბილური წინასაარჩევნო გარემოს შენარჩუნების მნიშვნელობას. მხარეებმა დაადასტურეს სამომავლო თანამშრომლობის მზადყოფნა და განიხილეს აჭარაში წინასაარჩევნო კამპანიის მიმდინარეობა. მთავრობის თავმჯდომარემ აღნიშნა, რომ მნიშვნელოვანია არჩევნები ჩატარდეს საერთაშორისო, უმაღლესი სტანდარტების შესაბამისად. 

 

ეუთოს დემოკრატიული ინსტიტუტებისა და ადამიანის უფლებების ოფისის (ODIHR) სადამკვირვებლო მისია საქართველოს მთავრობის მოწვევით 26 ოქტომბრის საპარლამენტო არჩევნებს უწევს მონიტორინგს. ODIHR-ის დამკვირვებლები არჩევნების ყველა ასპექტს დააკვირდებიან არჩევნების დღემდე და შემდეგ.